Sabir Rüstəmxanlı tələbələrlə görüşdü – FOTO

“Azərbaycan Gənclərinin İnkişaf Hərəkatı”nın təşkilatçılığı ilə “Mədəniyyətimizdə bu gün” devizi altında keçirilən görüşdə Universitetin tələbə və müəllimləri iştirak edib.

Tədbirdə çıxış edən Sabir Rüstəmxanlı görüşə görə Universitet rəhbərliyinə təşəkkür edərək tələbələrlə ziyalıların ünsiyyətinin, bu kimi tədbirlərin vacibliyini vurğulayıb.

Millət vəkili ədəbiyyatımızın keçdiyi yol və bu günü haqda fikirlərini qeyd edərək, Milli Azadlıq Hərəkatında və Zəfər savaşında ədəbiyyatın rolunundan danışıb.

Mədəniyyət İncəsənət Universitetinin prorektoru Sədaqət Əliyeva, “Azərbaycan Gənclərinin İnkişaf Hərəkatı”nın sədri Miri Miriyev çıxış edərək xalq şairinə görüşə görə təşəkkür edib.

Daha sonra Sabir Rüstəmxanlının həyat və yaradıcılığını əks etdirən videoçarx nümayiş olunub. Millət vəkili tələbələrə Azərbaycan cəmiyyətinin bu günü, gənclərin dövlətin və xalqın gələcəyində rolu haqda danışıb.

Tələbələr S.Rüstəmxanlının şerlərini səsləndirib, millət vəkili onların suallarını cavablandırıb.