Vətəndaş Həmrəyliyi Partiyası

Mərkəzi İcra Aparatının

Ə S A S N A M Ə S İ

 

1. Ümumi müddialar

1.1. Vətəndaş Həmrəyliyi Partiyası Mərkəzi İcra Aparatı (bundan sonra İcra Aparatı) partiyanın mərkəzi icra strukturudur.

1.2 İcra Aparatı partiya Nizamnaməsinin  13.2 maddəsinə uyğun  olaraq  VHP sədri tərəfindən yaradılır və  partiyanın ümumi cari fəaliyyətindən irəli gələn vəzifələrin həyata keçirir.

1.3. İcra Aparatının tərkibində  VHP-nin fəaliyyət istiqamətinə uyğun olaraq müxtəlif sahələr üzrə  (“Təşkilat”, “Seçki”, “Ümumi işlər” departamentləri, “Beynəlxalq”, “Diaspor”, “Təbliğat və Təşviqat”, “Təşkilati”, “Hüquq”, “Kargüzarlıq”,  “İdeologiya”, “Təsərrüfat”,  “Maliyyə”, “Mühasibatlıq”   və s. şöbələr) depertamentlər, şöbələr, xidmətlər və bölgələr üzrə koordinatluqlar yaradılır.

1.4. İcra Aparatının bütün struktur və bölmələri VHP sədri tərəfindən yaradılır. Onun  rəhbəri,  bütün vəifəli şəxsləri və əməkdaşları da partiya   sədrinin sərəncamı ilə vəzifəyə təyin olunur və azad edilirlər.

1.5.İcra Aparatının rəhbərinin funksiyaları VHP Nizamnaməsinə uyğun olaraq partiya sədrinin I və digər müavinlərinin birinə də həvalə edilə bilər.

1.6. İcra Aparatının departament, şöbə və xidmətləri VHP-nin Nizamnaməsinə və bu Əsasnaməyə uyğun fəaliyyət göstərirlər.

II.Mərkəzi İcra Aparatının məqsəd və vəzifələri

2.1.İcra Aparatı partiyanın Mərkəzi Qərargahın, rayon təşkilatlarının və digər partiya strukturlarının icraya yönəlik fəaliyyətlərinin əlaqələndirilməsi,  azad və ədalətli seçkilərin keçirilməsi üçün hüquqi bazanın yaradılması,  partiyanın maddi-texniki bazasının möhkəmləndirilməsi,  VHP-çilərə hüquqi yardımların göstərilməsi və digər məsələlərlə əlaqədar partiyanın rəhbər qurumlarının qərarlarının yerinə yetirilməsini təşkil edir və icrasına nəzarət edir.

2.2. İcra Aparatı  Azərbaycan Respublikasında azad və ədalətli seçkilərin keçirilməsi üçün partiyanın  potensialını səfərbər etməklə  bələdiyyə, parlament və prezident seçkilərində Vətəndaş Həmrəyliyi Partiyasının dəstəklədiyi namizədlərin seçki kompaniyasının təşkil etmək istiqamətində fəaliyyət göstərir.

III. İcra Aparatının idarə olunması

3.1. Mərkəzi İcra Aparatına aparatın rəhbəri başçılıq edir və aparatının strukturunda nəzərdə tutulmuş vəzifələrə, ştat cədvəlinə uyğun olaraq təyin edilmiş əməkdaşlara nəzarət edir.

3.2. İcra Aparatının rəhbəri və əməkdaşları:

3.2.1. Azərbaycan Respublikası Əmək Məcəlləsi və digər normativ aktlara və VHP-nin Nizamnaməsinə əsasən VHP sədrinin sərəncamı ilə vəzifəyə təyin və tutduğu vəzifədən azad edilirlər;

3.2.2.  Azərbaycan Respublikasının Əmək Məcəlləsinin müfaviq normaları, VHP-nin mərkəzi aparatının daxili intizam qaydalarına uyğun olaraq fəaliyyət göstərir;

3.2.3. VHP Siyasi Şurasının təsdiq etdiyi ştat cədvəlinə uyğun olaraq əmək haqqı ilə təmin olunurlar.

3.2.4. Mərkəzi İcra Aparatının əməkdaşları öz istəylərinə uyğun olaraq ictimai əsaslarla da fəaliyyət göstərə bilərlər.

Qeyd: Əsasnamə VHP  Ali Məclisinin 17 may 2014-cü il sessiyasında təsdiq edilib