Nazlı Ağayeva-60

Ziyalılıq savad, təhsil dərəcəsi, vəzifə ilə bağlı bir məqam deyil. Azərbaycan türkcəsində Aydın deyə ifadə etdiyimiz bu status sahibləri içində işıq daşıyan, cəmiyyətini və zamanını aydınladan insanlardır. Nazlı xanım bu gün içində belə bir işığı daşıyan və zərif, zəif cisminin sahib olduğu güclü ruhuyla qaranlıqları yenən bir Aydındır. Onun haqqında ürəklə “əzizimiz” deyə müraciət edirik. Çünki o sözün bütün mənasında hər kəsə doğma, düşüncəsi, davranışı, səmimiyyəti, təmənnasız mübarizəsi ilə əqidədaşlarının sevimlisidir. Ona görə də Nazlı xanımın əvvəl sorağı gələndə VHP-çilər sanki doğma, əziz adamlarını qarşılamağa hazırlaşırlar.

Əzizimiz Nazli xanım!
Sizi ad gününüz münasibəti ilə səmimi qəlbdən təbrik edirəm və ziyalı ömrünüzü dolğunluqla davam etdirmək üçün can sağlığı, səadət arzulayırıq. Bütün məhrumiyyətlərə baxmayaraq, haqqın yanındasınız, haqqın yanında olmaq çətinliyinin bəhrəsini də Haqq özü verəcək.

Hörmətlə,
Sabir Rüstəmxanlı
Vətəndaş Həmrəyliyi Partiyasının sədri

Bütöv yazını göstər
Back to top button
Close