Sabir Rüstəmxanlıdan Böyük Britaniya təbrik
Vətəndaş Həmrəyliyi Partiyasının sədri, millət vəkili Sabir Rüstəmxanlı Böyük Britaniya və Şimali İrlandiya Birləşmış Krallığının milli bayramı – Kraliçanın Təvəllüd Günü təbrik məktubu yazıb. Böyük Britaniyanın Azərbaycan Respublikasındakı Fövqəladə və Səlahiyyətli Səfiri
cənab Ceyms Şarpa ünvanlanan məktubda deyilir: “Böyük Britaniya və Şimali İrlandiyanın kraliçası xanım II Elizabetin doğum günü münasibəti ilə səmimi təbriklərimizi qəbul edin. Ölkənizin milli bayramı – Kraliçanın Təvəllüd Gününüz münasibətilə Birləşmiş Krallığın dost xalqını təbrik edirəm.
Böyük Britaniya və Şimali İrlandiyanın kraliçası II Elizabetə möhkəm can sağlığı arzulayıram.
Hörmətli cənab Səfir!
Bir daha Sizi milli bayram – Kraliçanın Təvəllüd Günü münasibəti ilə təbrik edir, Sizə diplomatik fəaliyyətinizdə uğurlar, şəxsi həyatınızda xoşbəxtlik arzulayıram”.
