Sabir Rüstəmxanlı: “ Yəni yerli idarəetmə sistemində aydınlıq olmalıdır”

“Azərbaycanda dövlət idarəetməsində ciddi islahatlar aparılmalı, bir-birini təkrarlayan qurumlar, o cümlədən rayon icra hakimiyyətləri ləğv edilməlidır. Ən əsası dövlət qurumlarının işi yenidən qurulmalı, səmərəliliyin ölçülməsi standartları tətbiq edilməlidir”. Bunu müsahibəsində beynəlxalq standartlaşdırma üzrə mütəxəssis, ”Bureau De Qualite” şirkətinin rəhbəri Asif İbrahimov bildirib. Azərbaycanda icra hakimiyyətləri ləğv edilə və ya birləşdirilə bilərmi?

Mövzu ilə bağlı KONKRET.az-a açıqlamasındadeputat Sabir Rüstəmxanlı artıq o prosesin getdiyini geyib:

“İdarələr birləşdirilir. Onlardan soruşmaq lazımdır ki, bununla nə etmək istəyirlər. Bunu xalqa bəyan etsinlər. İnsanlarımız bilsin ki, bunun sonunda nə olacaq. İcra hakimiyyəti əsas deyil. İcra Hakimiyyətlərin bəziləri əlində heç bir səlahiyyət olmasa da özü üçün imtiyaz yaratmağa çalışan qurumlardır. İcra başçıları ölkə başçısı tərəfindən təyin olunurlar. Onların bəziləri digər dövlətlərin köhnə idarəetmə qaydalarından istifadə edirlər. Belə ki, bəzi icra başçıları özlərini köhnə raykom katibləri kimi aparırlar. Bunların hər biri aydınlaşmalıdır. Yəni yerli idarəetmə sistemində aydınlıq olmalıdır. Bələdiyyələrlə icra hakimiyyətlərin iş bölgüsü və səlahiyyətlər müəyyənləşdirilməlidir. Bunların hər biri dəqiqləşdirilməlidir”.

 

Milli Məclisin üzvü fikrini belə tamamlayıb:

“Ona görə də o sahədə müəyyən qədər yeniləşməyə və islahatlara ehtiyac var. Amma mən konkret bu işə proqnoz verə bilmərəm. Bunların hər biri ciddi təhlil olunmalı, dövlətimizin ümumi maraqlarına uyğun bir variant seçilməlidir”.

Nərgiz Mirzəyeva

KONKRET.az

Bütöv yazını göstər
Back to top button
Close