Sabir Rüstəmxanlı: “Koronavirus bütün milləti narahat edir”

Milli Məclisin plenar iclasında söz alan Millət vəkili, Vətəndaş Həmrəyliyi Partiyasının lideri  Sabir Rüstəmxanlı koronavirusla bağlı getdikcə ağırlaşan vəziyyətdən bəhs etdi: “Koronavirus bütün milləti narahat edir. Müharibə ilə bağlı insanların küçələrə çıxması vəziyyəti daha da gərginləşdirmişdi.

Digər tərəfdən, camaat koronavirusla əlaqədar müayinə olunmur. İnsanlar çox zaman həkimə müraciət etmirlər. Bir dəfə müraciət edəndə 100-120 manat pul ödəyirlər. Bunun kasıbı, imkansızı var. Adamların imkanı olmur, yoxlanmır, özfəaliyyət nəticəsində isə xəstəlik sağalmaqdansa, dərinləşir”.

S.Rüstəmxanlı nəqliyyat probleminə də diqqət çəkdi: “Axşamlar biz baxırıq, avtobuslara yaxın düşmək mümkün deyil. Metro dayanıb, dayanacaqlarda adamlar elə bil mitinqə çıxıb. Digər tərəfdən, metronun fəaliyyəti dayanıb. Avtobuslara minmək mümkün deyil. Hesab edirəm ki, metro işləsə, işi asanlaşdırar. Ona görə də xahiş edirəm, əlaqədar təşkilatlar bu iki məsələyə diqqət yetirsinlər”.

 

Bütöv yazını göstər
Back to top button
Close