Sabir Rüstəmxanlı-74

Bu gün Vətəndaş Həmrəyliyi Partiyasının sədri, millət vəkili Sabir Rüstəmxanlının doğum günüdür. Bu münasibətlə VHP Siyasi Şurası Sabir Rüstəmxanlını təbrik edib. Təbrikdə deyilir:

“Sabir Rüstəmxanlı ilk gənclik yazılarından, şeirlərindən milli təfəkkür daşıyıcısı və təbliğatçısı olan şairin ərsəyə gətirdiyi bütün əsərlərində millətinin böyüklüyü, cəsurluğu, unudulan və əlindən alınan tarixinə bir ismarış yatır. Sabir Rüstəmxanlı bir şair kimi Qərbdən Şərqə, Şimaldan Cənuba bütün Türk Dünyasının haqq səsinə çevrilib.

Sabir Rüstəmxanlı milli qürur və özünüdərk yolunda təkcə yazı masasında yox, meydanlarda göstərdiyi cəsarət də göz önündə, yaddaşlarda, şahidlərin dilində, yaxın tariximizin qızıl səhifəsində əbədiləşib. Azərbaycanın dövlət müstəqilliyinin Meydan və Parlament mübarizəsinin mərkəzində hər zaman Sabir Rüstəmxanlı olub. O Azərbaycan istiqlalında imzası olan mübarizə adamı olaraq tarixə adını yazdı.

Sabir Rüstəmxanlının başçılıq etdiyi VHP Azərbaycanın siyasətdə daim iz buraxan partiyalardan sayılıb və bu gün partiyanın uğurlarında sədrin rolu və xidmətləri əvəzsizdir. “Vətəndaş həmrəyliyi” ideologiyasının mahiyyətində elə Sabir Rüstəmxanlı dayanır və doğrusu, bu ideoloji adda bir az da siyasi yöntəm var. Sabir Rüstəmxanlı bir partiya sədri, millət vəkili kimi Azərbaycan davasını aparan siyasətçidir.

Sabir Rüstəmxanlını ad günü münasibəti ilə səmimi qəlbdən təbrik edir, ona ruhunun imkan verdiyi səviyyədə, böyük enerjisi ilə ictimai-ədəbi və siyasi fəaliyyətini davam etdirməsi üçün möhkəm can sağlığı və ideallarına, böyük hədəflərinə çatmağı, müstəqilliuinin qazanılmasında əvəzsiz xidmətləri olan Azərbaycan Respublikasının Bütöv dövlət olmasını görməyi arzulayırıq”.

Bütöv yazını göstər
Back to top button
Close