Qusarda VHP dövlət müstəqilliyinin 30 illiyini qeyd edib

Azərbaycanın Dövlət Müstəqilliyinin Bərpasının 30-cu ildönümündə Vətəndaş Həmrəyliyi Partiyasının rayon (VHP) təşkilatları bu əlamətdar gün münasibəti ilə bölgələrdə rayon, şəhər mərkəzində olan Şəhidlər Xiyabanını, müstəqillik ilə bağlı qoyulan abidəni ziyarət ediblər. Vətəndaş Həmrəyliyi Partiyasının (VHP) Qusar rayon təşkilatlarının üzvləri Şəhidlər Xiyabanını ziyarət ediblər.

VHP Qusar rayon təşkilatının sədr əvəzi Əlişəfa Məmmədov bildirilib ki, XX yüzilliyin sonlarında SSRİ-nin süquta uğraması ilə yaranan əlverişli tarixi şərait və taleyin bəxş etdiyi imkan nəticəsində Azərbaycan xalqı XX yüzillikdə ikinci dəfə müstəqillik bayrağını qaldırdı. Bu, xalqımızın siyasi tarixində XX əsrdəki ikinci parlaq qələbəsi idi. Bu gün müstəqilliyin bərpasının 30 illiyi torpaqlarımızın azad olunması ilə xüsusi qürur hissi ilə qeyd edilir.