“Qarabağ problemi insanların narazılığına səbəb olur”

“Pandemiya ilə əlaqədar olaraq sözsüz ki, onlayn dərslər keçirir. Amma bizə çatan məlumatlara görə, bu dərslər şagirdlərin 25-30 faizini əhatə edə bilir. Bir çox rayon və kəndlərdə internet zəif olduğu üçün şagirdlərin onlayn dərslərdə iştirakı mümkün olmur.
Bu fikirləri Milli Məclisin növbədənkənar sessiyasının ilk iclasında deputat, xalq şairi Sabir Rüstəmxanlı deyib.
O, problemin həll edilməsi üçün müvafiq addımlar atılmasını vacib sayıb:
“Nazirlər Kabinetindən xahiş edirik ki, bu məsələyə diqqət ayırsın”.
Xalq şairi çıxışında Qarabağ məsələsinə də toxunub:
“Bu, heç kimin inhisarında olacaq məsələ deyil. Vaxt keçir, təəssüflər olsun ki, problem həll edilmir. Bu da əhalidə narazılıq yaradır Millətin tarixi keçmişi, gələcəyi bununla bağlıdır. Bu, millətin mövzusudur. Hesab edirəm ki, erməni tərəfinin həyasızlığı, bu reallıqla dünyanı barışdırmaq cəhdləri bizi düşündürməlidir. Təklif edirəm ki, ildə 1 və ya 2 dəfə Milli Məclisdə müəyyən görüşlər keçirilsin, müvafiq nazirlik və qurumların nümayəndələri parlamentə gələrək bu mövzuda ətrafında təşkil edilən müzakirələrə qatılsın”.
Bütöv yazını göstər
Back to top button
Close