Arif Əliyev -60

Bu tanınmış jurnalist Arif Əliyevin 60 yaşı tamam olur. Arif Əliyev 31 avqust 1960-cı ildə anadan olmuşdur. 1983 – Lomonosov adına Moskva Dövlət Universitetinin Jurnalistika fakültəsinə qəbul olunmuşdur. 1992-1993 – Azərbaycan Respublikası Prezidentinin mətbuat katibi olmuşdur. 1996-2005 – ABŞ-da, İngiltərədə, Niderlandda, Almaniyada, Fransada bacarıqları yaxşılaşdırmaq üçün xüsusi seminarlar və proqramlar hazırlamışdır. Azırbaycan mediasında bir çox uğurlu layihələrin yaradıcısı olmuşdur. 1995-ci ildən “Yeni Nəsil” Azərbaycan Jurnalistlər İttifaqının sədri, 1998-ci ildən Bakı Mətbuat Klubunun prezidentidir. Jurnalist peşəkarlığı və söz azadlığına aid 40-dan artıq beynəlxalq konfransın hazırlanması və keçirilməsində iştirak edib. Ölkədə ən nüfuzlu “Media açarı” Jurnalist mükafatının təsisçisidir. Qəzet və jurnallarda 800-dən artıq publisistik məqaləsi çap olunub, televiziya və radio verilişlərinin, sənədli filmlərin müəllifidir. 9 kitabın müəllifi və tərtibatçısıdır.
Hələ sovet dövründə mərhum Nəcəf Nəcəfovla birgə çalışdığı “Molodyoj Azəerbaydjana” qəzetindən bu yana Arif Əliyev özünü prinsipial və peşəkar qəzetçi, peşə etikasına ciddi riayət edən jurnalist kimi göstərib. Azərbaycan Prezidentini mətbuat katibi olanda da A.Əliyev daima söz və mətbuat azadlığının tərəfdarı kimi çıxış edib, öz xidməti mövqeyindən mətbuatı inkişafı üçün istifadə edib. Arif bəy keçdiyi həyat yolu, mübarizəsi, düşünəsi ilə bir örnəyə çevrilib. Peşəkarlığı, hadisələrə özünəməxsus baxışı və müstəqil fəaliyyəti ilə Azərbaycan jurnalistlərinə nümunə olmağı bacaran Arig Əliyevi bir daha təbrik edir, ona haqq-ədalətin qorunması uğrunda mübarizəsində uğurlar, uzun və xoşbəxt ömür arzulayıram. arzulayıram!

Sabir Rüstəmxanlı

Vətəndaş Həmrəyliyi Partiyasının sədri, millət vəkili

Bütöv yazını göstər
Back to top button
Close