Bu gün Vətəndaş Həmrəyliyi Partiyasının (VHP) Nərimanov rayon təşkilatı növbəti, VII konfransını keçirib. Konfransda təşkilatın 27 özək təşkilatından seçilmiş 68 nümayəndədən 57 nəfəri konfransın işinə qatılıb.

Partiya rəhbərliyindən VHP sədri Sabir Rüstəmxanlı, Ali Məclisin sədri Rafiq Manaflı, Mərkəzi İcra Aparatının rəhbəri Samir Əsədli, MNTK sədri Felmar Ələkbərli konfransa qatılıblar. Dövlət himninin oxunması və sədarətin seçilməsi ilə konfrans öz işinə başlayıb. Konfransa hazırlıq üzrə təşkilat komitəsinin sədri Səidə Dadaşlı, Mandat komissiyasının sədri Dəniz Həsənovanın məlumatları dinlənilib.

Təşkilat sədri Şəmsəddin Mirzəxanlı geniş hesabat məruzəsi ilə çıxış edib, təşkilatın ötən müddət ərzində fəaliyyəti, qarşıda duran vəzifələr və seçkili qurumların fəaliyyəti barədə məlumat verib. Nəzarət Təftiş Kimissiyasının sədri Mehbarə Novruzovanın da hesabatı dinlənilib.

Konfrans nümayəndələrindən Arif Aslanov, Aidə Bağırova, Fətulla Mustafazadə, Səlahəddin Əsgər, Elçin Dadaşov, Yaşar Zeynalov və Şahlar İsmayılov çıxış ediblər.

Partiya sədri Sabir Rüstəmxanlı çıxışında partiyanın fəaliyyəti, ölkədə və regionda baş verən siyasi proseslərdən danışıb. O, həmçinin rayon təşkilatının nümunəvi fəaliyyətini də alqışlayıb. Rayon təşkilatının fəal üzvlərinə təşkilat rəhbərliyinin fəxri fərmanları verilib.

Təşkilati məsələlərə baxılıb. Şəmsəddin Mirzəxanlı yenidən sədr, Məclis, NTK üzvləri və partiya qurultayına nümayəndələr seçilib. Sonda cari və təşkilatın qarşısında duran məsələlərin müzakirəsindən sonra konfrans öz işini yekunlaşdırıb.

s

Comments are closed.