Vətəndaş Həmrəyliyi Partiyasının Gəncə şəhər təşkilatının sədri Asəf Məmmədəliyev dünyasını dəyişib.

Bununla əlaqədar partiyanın yaydığı başsağlığında deyilir: “VHP-nin gənc və əqidəli üzvlərindən olan Asəf Məmmədəliyevin vaxtsız vəfatı bizi dərindən kədərləndirir. Asəf Akif oğlu Məmmədəliyev 28 yanvar 1975-ci ildə Gəncə şəhərində anadan olmuşdu. Azərbaycan Dövlət İqtisad Universitetinin Beynəlxalq iqtisadi münasibətlər fakültəsində təhsil alan Asəf tələbəlik illərindən aktivliyi ilə seçilib, Tələbə Həmkarlar Təşkilatına rəhbərlik edib. Əmək fəaliyyətinə 1991-ci ildə usta kimi başlayıb, Gəncə Tara İstehsalat LTD müəssisəsində briqadir və sex rəisi işləyib. 2003-cü ildən Azərsu ASC-nin Gəncə Su Kanal TSC-də aparıcı iqtisadçı kimi çalışırdı. 1989-cu ildən Azərbaycan Xalq Hərəkatının fəallarından və Azərbaycan Xalq Cəbhəsinin (AXC) fəal üzvlərindən olub. 2002-ci ildən Vətəndaş Həmrəyliyi Partiyasının Gəncə şəhər təşkilatının üzvü, 2004-cü ildən isə Gəncə şəhər təşkilatının sədri idi. İki yadigarə qalan Asəf səmimi dost, millətini, dövlətini sevən vətəndaş idi.

VHP mərhumun ailəsinə dərin hüznlə başsağlığı verir.

Allah rəhmət eləsin.

463723_104479633053914_1606328955_o

10653282_10207713699373510_6929309965314347317_n

12573912_960708064006221_3010704868758865531_n

Comments are closed.