VHPoguz5Konfransda Rəsulzadə anılıb

Bu gün Vətəndaş Həmrəyliyi Partiyası (VHP) Oğuz rayon təşkilatının növbəti hesabat seçki yığıncağı keçirilib. Təşkilatın özəklərindən seçilmiş konfrans nümayəndələri ilə yanaşı VHP-nin Qurultaya Hazırlıq üzrə Təşkilat Komitəsinin katibi Şəfəq Qulusoy və partiyanın şöbə müdiri Səlcuq Elçin də yığıncaqda iştirak edib. Konfransa hazırlıq üzrə təşkilat komitəsinin sədri Famil Zakirovun konfrans öncəsi görülmüş işlər, prosedur qaydalar barədə məlumatı dinlənilib.

Daha sonra təşkilatın sədr əvəzi Surxay Hüseynli geniş hesabat verib. Rayon təşkilatının fəaliyyəti, seçkili orqanların işi və təşkilatın qarşısında duran işlər barədə danışıb. Bildirib ki, təkcə 2016-cı ilin yanvar ayında 38 nəfər rayon sakini təşkilat sıralarına qəbul edilib.

Nəzarət Təftiş Komissiyasının sədri Sevinc Vahidqızı hesabatı dinlənildikdən sonra konfrans nümayəndələrindən Əhəd Hüseynov, Faiq Qəribov, Jalə Zakirova və digərləri də çıxış edərək təşkilatın fəaliyyəti barədə təkliflərini bildiriblər.

VHP-nin Ümumi şöbəsinin müdiri Şəfəq Qulusoy VHP-nin fəaliyyəti və qurultaya hazırlıq işləri barədə məlumat verib.

VHP-nin Siyasi partiyalarla iş şöbəsinin müdiri Səlcuq Elçin isə çıxışında ölkədə və regionda baş verən siyasi olaylar, manatın devalvasiyasından sonra Azərbaycandakı iqtisadi vəziyyət barədə danışıb.
Həmçinin S.Elçin bildirib ki, bu ilin yanvar ayının 31-də böyük öndər və Azərbaycan Xalq Cümhuriyyətinin qurucu lideri Məhəmməd Emin Rəsulzadənin 132 yaşının tamam olduğunu bildirərək, böyük öndərin ictimai-siyasi fəaliyyətindən, Xalq Cümhuriyyətindən, Rəsulzadənin yorulmaz fəaliyyəti və mühacirətdə apardığı Azərbaycan davasından danışıb.

Sonda təşkilati məsələlərə baxılıb. Rayon təşkilatının yeni Məclisi, NTK-sı formalaşdırılıb, partiyanın növbəti qurultayına 8 nəfər nümayəndə seçilib.

Famil Zakirov isə gizli səsvermə nəticəsində VHP Oğuz rayon təşkilatının yeni sədri seçilib.

VHPoguz5

VHPoguz3

VHPoguz2

VHPoguz1

VHPoguz

VHPoguz4

Comments are closed.