sabir11“Məncə bu hadisə nə Putinə, nə də Rusiyaya hörmət gətirən bir məsələ deyil. Türkiyə bu ifadələri cavabsız qoymayacaq. Ona uyğun da Putin cavabını alacaq. Rəsmi Ankara nə qədər təmkinli olsa da bu cür məsələlər cavabsız qalmaz”.

Bunu hafta.az-a açıqlamasında Vətəndaş Həmrəyliyi Partiyasının (VHP) sədri Sabir Rüstəmxanlı Rusiya prezidenti Vladimir Putinin canlı yayımla çıxışı zamanı Türkiyə haqqında aşağılayıcı ifadələr işlətməsinə münasibət bildirərkən deyib.

Sabir Rüstəmxanlı qeyd edib ki, açıq – aşkar, zorla Türkiyəni müharibəyə çəkmək istəyirlər:

“Əslində Putinin Türkiyə barəsində nə dediyini və hansı konteksdə söylədiyini eşitməmişəm. Əgər belə deyibsə, bu Putinin bütün diplomatik sədləri aşmasına işarədir. Son zamanlar Rusiya və dünya mətbuatı onun haqqında yazırlar ki, Putin öz vəzifəsinə uyğun gəlməyən bir adamdır. Bu hadisə bir daha göstərir ki, Putin prezident postuna təsadüfi gəlmiş bir adamdır. Milli təhlükəsizlik sistemində işləmək ayrı şeydir, dövlət başçısı olmaq isə tamam başqa anlayışdır. Ölkə rəhbəri digər dövlətlərə də sayğı və hörmətlə yanaşmalıdır. Bu onların borcudur. Bütün ağıllı rəhbərlər belə ediblər. Vaxtilə Atatürk yunanları Poladlıdan qovub İzmirdə Ağ dənizə tökəndə yunan bayrağını ayaq altına atanlara demişdi ki, qaldırın o bayrağı. Atatürk bildirmişdi ki, o da bir dövlətin bayrağıdır, belə ədalət olmaz. Hətta müharibə şəraitində də xalqlar bir-birinə sayğı ilə yanaşır”.

Xalq şairi Sabir Rüstəmxanlı hesab edirPutinin belə bəyanatla öz əməlini pərdələmək niyyətindədir:

“Putin vurulan təyyarə olayını qızışdırmaqla əslində Suriyaya qeyri-qanuni girməsini, bölgədə ağalıq iddiasını pərdələmək istəyir”.

Qeyd edək ki, Rusiya prezidenti Vladimir Putin bu gün jurnalistlər üçün keçirdiyi mətbuat konfransında deyib ki, “Təyyarə insidenti “türk hökümətindən kiminsə amerikalıların bir yerini yalamaq cəhdinin” nəticəsi ola bilər”. Daha sonra Putin vurğulayıb ki, türk xalqı onların tərəfdarı olub və belə qalacaq: “Hazırki Türkiyə rəhbərliyi ilə danışıqlar praktiki olaraq mümkün deyil”.

Comments are closed.