Sentyabrın 29-da Vərəndaş Həmrəyliyi Partiyasının 20 illik yubileyi geniş şəkildə qeyd olunacaq.

VHP Təşkilat Şöbəsindən verilən məlumata görə, VHP-nin rayon təşkilatlarının iştirakı ilə Ali Məclisin sentyabrın 29-na təyin edilən ümumrespublika toplantısı partiyanın mərkəzi qərargahının akt zalında gerçəkləşəcək. Ali Məclisin toplantısından sonra isə Bakı Əyləncə Mərkəzinin “Eliza” zalında partiyanın yaranmasının 20 illiyinə həsr olunmuş mərasim keçiriləcək.

Yubiley mərasiminə ölkənin aparıcı siyasi partiyalarının rəhbərliyi, ziyalılar, millət vəkilləri və diplomatik korpus nümayəndələrinin dəvət olunacağı gözlənilir.

Xatırladaq ki, Vətəndaş Həmrəyliyi Partiyası 1992-ci il sentyabrın 26-da təsis qurultayını keçirib. “Vətəndaş həmrəyliyi”, “millibirlik” idealogiyasını təbliğ edən VHP ölkənin aparıcı siyasi partiyalarından biridir.

 

VHP Mətbuat Xidməti

Comments are closed.