Vətəndaş Həmrəyliyi Partiyasının Bakı, Sumqayıt, Abşeron və işğal edilmiş rayon təşkilatlarının iştirakı ilə genişləndirilmiş müşavirə keçirilib. 
VHP təşkilat şöbəsinin müdiri Samir Əsədlinin APA-ya verdiyi məlumata görə, VHP Ali Məclisin sədri və Ictimai Palatanın Koordinasiya Şurasının üzvü Rafiq Manaflının sədrliyi ilə keçirilən müşavirədə partiyanın yubileyinin rayon təşkilatları və respublika səviyyəsində qeyd olunması, o cümlədən qurumun təşkilati məsələlərinə dair müvafiq qərarlar verilib. 
Ictimai Palatanın aprelin 8-ə təyin olunan mitinqin müzakirəsi zamanı isə müşavirə iştirakçıları müxalifətdaxili inteqrasiya və həmrəyliyin diqqətə alınmasını əhəmiyyətli hesab ediblər.
Müzakirələrdən sonra müşavirədə VHP rayon təşkilatlarının icazəli mitinqdə iştirakı məqbul sayılıb.

Comments are closed.