“Orada baş verənlər xalq ayaqlanmasıdır”

Hazırda Türkiyədə olan Vətəndaş Həmrəyliyi Partiyasının (VHP) sədri, millət vəkili Sabir Rüstəmxanlı qardaş ölkədə baş verən qanlı aksiyalarla bağlı təəssüratlarını bölüşüb. Bir neçə gündür Türkiyədə olduğunu deyən deputat İstanbulda davam edən etiraz dalğasının səbəbləri göründüyü kimi təbiətin müdafiəsi deyil, hakimiyyətə qarşı narazılıqdır.

“Mən elə bu gün Türkiyədəyəm. Bütün bu proseslər boyu Türkiyədə olmuşam. Axşam saat 5-dən sonra Bakıya qayıdacam. Türkiyədə baş verənlər xalq ayaqlanmasıdır. Aksiyalarda daha çox gənclər iştirak edirdilər. Bu gənclərin ölkədə gedən proseslərə etirazıdır. İlkin baxışdan aksiya insanların adi narazılığı kimi görünsə də daha sonra geniş toplum buna qoşuldu. İqtidar buna əhəmiyyət verməyəndə, buna həqarətli yanaşanda, millətə üstdən-aşağı baxanda bütövlükdə Türkiyə ayağa qalxdı, təkcə İstanbul deyil. Aksiyalar təbiət qorunmasından çıxıb Türkiyə hakimiyyətinə qarşı yönəldi”-deyə S.Rüstəmxanlı bildirib..

S.Rüstəmxanlı İstanbulda başlanan etiraz dalğasının Azərbaycana da təsir göstərəcəyini bildirib. Deputatin fikrincə, etiraz dalğasının qarşısını almaq mümkün olmayacaq.

“Bu etiraz dalğası təkcə Azərbaycana yox, bütün qonşu ölkələrə öz təsirini göstərə bilər. Türkiyədə baş verən olaylar kənardan təbiəti müdafiə kimi görünsə də bu heç də göründüyü kimi deyil. Aksiya mühiti Türkiyədə çoxdandır yetişmişdi. İnsanların hakimiyyətdən narazılığ, aqresiya axır ki, özünü göstərməli idi. Bu hakimiyyətə bir cavab idi. Türk xalqı bir daha sübut elədi ki, türklərin iradəsini qırmaq olmaz”.

Modern

Comments are closed.