Bu gün Demokratik Qüvvələrin Milli Şurasının komissiya və qurumda təmsil olunan partiya sədrlərinin görüşü keçirilib.

Bu barədə APA-ya məlumat verən Milli Şuranın üzvü, VHP Ali Məclisinin sədri Rafiq Manaflı bildirib ki, toplantıda Milli Şuranın həmsədrlik məsələsi, qurumun perspektivləri, strategiyası və təşkilati məsələləri müzakirə edilib. Onun sözlərinə görə, Milli Şurada həmsədrlik institutunun yaradılması ilə bağlı fikir ayrılığı var: “Yəni bir qrup bu ideyanın əleyhinə, digəri isə lehinədir. Bəzi üzvlər həmsədrliyi qurum üçün ziyanlı hesab edir”.

R. Manaflı onu da əlavə edib ki, Milli Şuranın növbəti sessiyası üçün təkliflər paketi hələ hazır olmadığı üçün sessiya gecikir: “Bütün təkliflər nəzərə alınıb sistemləşdirilməli, sessiyaya təqdim olunacaq səviyyəyə gətirilməlidir. Qurumun əsasnaməsi, strukturlaşdırılması, strategiyası müzakirə olunub, sessiyaya təqdim olunmalıdır. Bu isə hələ hazır deyil. Ona görə də müzakirələrin davam etməsi nəzərdə tutulub”.

Comments are closed.