İstiqlalçı deputatlar Azərbaycanın Dövlət Müstəqilliyinin bərpasına həsr olunmuş yazı müsabiqəsi elan edir.

“Qafqazinfo”nun məlumatına görə, müsabiqə avqustun 15-dən oktyabrın 1-dək davam edəcək. Yazılar İstiqlalçı deputatların müəyyən etdiyi peşəkar münsiflər tərəfindən qiymətləndiriləcək və mətbuata açıqlanacaq.

Müsabiqənin şərtləri:

1. Yazılar Azərbaycanın Dövlət Müstəqilliyinin Bərpası haqqında Konstitusiya Aktının qəbulu dövrünü əhatə etməlidir;

2. Hər jurnalist müsabiqəyə yalnız bir yazı təqdim edə bilər;

3. Yazı həftədə ən azı bir dəfə dərc olunan mətbu orqanda və ya populyar informasiya saytında çap edilməlidir;

4. Yazıda «Dövlət Müstəqilliyinin 20-ci ildönümü ilə bağlı İstiqlalçı deputatların keçirdiyi müsabiqəyə təqdim edilir» qeydi göstərilməlidir.

Yazılar dərc edildiyi qəzetin bir nüsxəsi (informasiya saytında çap olunubsa, linki kifayətdir) ilə bərabər elektron variantda Vətəndaş Həmrəyliyi Partiyasının (X.Rüstəmov – 1210, «Xətai» metrostansiyası, «Azəri-Türk Bank»ın yaxınlığı) mətbuat xidmətinə şəxsən təqdim edilir.

Qaliblərə diplom və pul mükafatı veriləcək.

Ən yaxşı yazılar üçün 3 yer nəzərdə tutulur.

1. I yer – 500 manat

2. II yer – 300 manat

3. III – 200 manat.

Qaliblərin adları İstiqlalçı deputatların Azərbaycan Respublikasının Dövlət Müstəqilliyinin Bərpasının 20 illiyinə həsr olunan yekun tədbirində açıqlanacaq.

Əlavə məlumat üçün 496-86-57 (58) və 050 (055) 374-94-92 saylı telefonlarla əlaqə saxlamaq olar.

Fatimə Kərimli

Comments are closed.