Nəcəf bəy 1955-ci il iyunun 24-də Bakıda anadan olub. 80-ci ilin əvvəllərindən “İnşaatçı” qəzetində jurnalist fəaliyyətinə başlayıb. Sonra “Vışka” qəzetində şöbə müdiri işləyib və 1986-cı ilə kimi bu vəzifəni yerinə yetirib. Həmin il N.Nəcəfov “Molodyoj Azerbaydjana” qəzetinə redaktor təyin edilib.

Onun rəhbərliyi dövründə “Molodyoj Azerbaydjana” ölkənin ən populyar və sevimli qəzeti olub. 1989-cu idən N.Nəcəfov siyasi fəaliyyətə keçib və Azərbaycan Xalq Cəbhəsinin təşəbbüs qrupuna daxil olub. “Azadlıq” qəzetinin ilk baş redaktoru olub.

1990-cı ilin yazında N.Nəcəfov bir qrup müstəqil jurnalistlə birlikdə “Turan” informasiya agentlyini təsis edib. 1992-1993-cü illərdə Azərbaycanın o vaxtkı prezidenti Əbülfəz Elçibəyin müşaviri olub.

Nəcəf Nəcəfov 1999-cu il dekabrın 17-də uzun sürən ağır xəstəlikdən sonra vəfat edib.

Comments are closed.